Хараа нь муу биш ч үргэлж зузаан хүрээтэй нүдний шил зүүдэг 24 настай оффисын ажилтан А. Үүний шалтгаан нь хоёр жилийн өмнө хийлгэсэн давхар зовхины мэс заслынхаа үр дүнд сэтгэл хангалуун бус байдагтай холбоотой. А-ийн давхар зовхины шугам хэт өндөр хийгдсэнээс шугам нь зузаан, булцгар харагдаж, яг саяхан мэс засал хийлгэсэн мэт хавдсан төрхтэй болсон байна. Ийм байдлаар хэт засагдсан, зузаан харагддаг давхар зовхины шугамыг “хиам шиг нүд” буюу сосежи нүд (소세지눈) гэж нэрлэдэг.

Тэгвэл “хиам шиг нүд” яагаад үүсдэг вэ? Олон шалтгаан байж болох ч түгээмэл тохиолддог хэд хэдэн шалтгаан бий.

Нэгдүгээрт, мэс заслын аргачлалтай холбоотой асуудал байж болно. Давхар зовхины мэс заслыг харьцангуй энгийн мэс засал гэж ойлгох нь бий. Гэвч мэс заслыг хурдан дуусгахын тулд хангалттай нарийн, болгоомжтой хандахгүй бол давхар зовхи үүсгэхийн тулд зүсэлт хийсэн хэсгийн эдүүд хоорондоо наалдаж, оёдол тавьсны дараа наалдсан хэсэг нь товойж харагдах боломжтой.

Хоёрдугаарт, давхар зовхины шугамыг хэт өндөр байрлуулснаар шугам хэт зузаан болж, хавдсан мэт харагдах тохиолдол бий.

Гуравдугаарт, оёдол тавих үед судсыг хангалттай сайн зохицуулж, цусны эргэлтийг хэвийн байлгаж чадаагүй тохиолдолд мөн хавдар, зузаан харагдах байдал үүсэх боломжтой.

Иймээс нүдний мэс заслын дараа “хиам шиг нүд” зэрэг сэтгэл ханамжгүй үр дүнгийн шалтгааныг зөв тодорхойлохгүйгээр дахин мэс засал хийлгэсэн ч хүссэн үр дүнд хүрэхэд хүндрэлтэй байж болно.

Тиймээс асуудал үүссэн шалтгааныг нарийн тодорхойлж, эмчтэй хангалттай зөвлөгөө хийсний дараа өөрийн нүдний онцлогт тохирсон мэс заслын аргыг сонгох нь зүйтэй.

Зөвлөгөө өгсөн: NANA гоо сайхны эмнэлгийн эмч Ким Хён Жүн

 

Эх сурвалж : LaPortian (https://www.rapportian.com/)