NANA гоо сайхны эмнэлэг (эмч Чой Жон Шик, зураг) нь хөх томруулах мэс заслын чиглэлээрх мэргэжлийн ур чадвар, туршлагаа үнэлүүлж, 2022/2023 оны “SEBBIN Best Clinic”-ээр шалгарсан талаар мэдээллээ.

“SEBBIN Best Clinic” нь хөх томруулах мэс заслын чиглэлээрх судалгаа, хөгжилд оруулсан хувь нэмэр, эмч нарын мэргэжлийн ур чадвар, эмнэлзүйн кейс зэрэг олон шалгуур үзүүлэлтийг үндэслэн нарийн үнэлгээ хийсний дараа шаардлага хангасан эмнэлгүүдэд олгодог шагнал юм. Энэхүү шалгаруулалтыг хөхний имплант нийлүүлэгч Францын Sebbin компани (БНСУ дахь импорт, борлуулалтын түнш: GreenCosco) зохион байгуулдаг.

NANA гоо сайхны эмнэлэг нь их сургуулийн эмнэлгийн түвшний хөхний төв болон хөхний мэс заслын чиглэлээр дагнасан эмч нарын багт тулгуурлан зөвлөгөөнөөс эхлээд мэс засал, мэс заслын дараах арчилгаа хүртэл үйлчлүүлэгч бүрт тохирсон нэгдсэн системийг хэрэгжүүлж байна. Ялангуяа хөхний өвчний чиглэлээр мэргэшсэн мэс заслын эмчтэй хамтран зөвлөгөө, эмчилгээ хийдэг.

Эмч Чой Жон Шик “БНСУ-ын хөхний мэс заслын салбарт тэргүүлэгч эмнэлгийн нэг болохын төлөө тасралтгүй хичээн ажилласны үр дүнд ‘SEBBIN Best Clinic’-ээр шалгарсанд маш их ач холбогдол өгч, баяртай байна. Цаашид зөвхөн БНСУ-д төдийгүй олон улсын хэмжээнд ч хөхний гоо сайхны мэс заслын салбарын өрсөлдөх чадвараа хүлээн зөвшөөрүүлэхийн зэрэгцээ үйлчлүүлэгчийн сэтгэл ханамжийг хамгийн өндөр түвшинд хүргэхийн төлөө хичээн ажилладаг NANA гоо сайхны эмнэлэг байх болно” хэмээн шагнал хүртсэн талаарх сэтгэгдлээ хуваалцлаа.

Эх сурвалж: Medical Tribune